"Paşinyan istefa verməyəcək, onu devirə bilməyəcəklər" - Manukyan açıqladı

Keşiş Baqrat Qalstanyanın rəhbərlik etdiyi hərəkat Baş nazir Nikol Paşinyanı devirə bilməyəcək.

Teleqraf.com xəbər verir ki, bunu erməni politoloq Armina Manukyan deyib.

“Ermənistan müxalifəti çətin ki, Nikol Paşinyanın istefasına nail ola bilsin. Etirazlar genişmiqyaslı olsa da, sistemli deyil. Məsələn, Paşinyanın 2018-ci ildə keçirdiyi aksiyalar sistemliydi, nəticədə hakimiyyətə gəldi. Üstəlik, Paşinyan belə bir durumda necə davranacağını bilir. O, hakimiyyət uğrunda sona qədər mübarizə aparmağa öyrəşib. Hətta Qarabağ müharibəsindəki məğlubiyyətdən sonra da müqavimət göstərə bilmişdi”, - politoloq qeyd edib.