Türkiyəli məşhurlar qətlə yetirilən Vətən Şaşmazdan yazdılar

Dünən gecədən bəri hər kəs türk aktyoru və aparıcısı Vətən Şaşmazın ölümündən danışır.

Teleqraf.com xəbər verir ki, tanınmışlar İnstaqram hesablarına mərhumun fotosunu yerləşdirərək, üzüntülərini ifadə etməyə çalışırlar.

Onun bəzi həmkarlarının ürək sözlərini təqdim edirik.

Aparıcı Saba Tümər: Çox, amma çox üzgünəm… Şaşqınam, nə deyəcəyimi bilmirəm. Məkanın cənnət olsun, dünya şirini dostum! Nur içində yat, inşallah…

Aparıcı Özgə Ulusoy: İnanılmaz üzücü... Məkanın cənnət olsun, Vətən... Səni hər zaman alicənablığın və gülərüzlülüyünlə xatırlayacağam. Allah rəhmət eləsin!

Aparıcı Əsra Ərol: Çox üzüldüm, çox pis oldu… Yaxşı insan idi… Məkanı cənnət olsun!

Serial həmkarı, aktrisa Pınar Altuğ: Azacıq da olsa kəlmə tapa bilmirəm. Çaşqınam, hirsliyəm, çox üzgünəm…

Xatırladaq ki, dünən İstanbulun Beşikdaş rayonu ərazisindəki məşhur otellərdən birində tanınmış teleaparıcı Vətən Şaşmazın və onun sevgilisi Filiz Ağərin cəsədi tapılıb. Polisin ilkin ehtimalına görə, Şaşmaz sevgilisi, model Filiz tərəfindən belindən güllələnərək öldürülüb. Daha sonra model öz başına atəş açaraq intihar edib.