Ərdoğan və Putin təməlqoyma mərasimində - Canlı yayım/Yeni

Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə birlikdə “Akkuyu” AES-in təməlqoyma mərasiminə qatılıblar.

***

17:05

Türkiyə Prezidenti Rəcəb Tayyib Ərdoğan rusiyalı həmkarı Vladimir Putini rəsmi mərasimlə qarşılayıb.

Hər iki ölkənin dövlət himnləri səslənib və 21 dəfə top atəşi açılıb. Putin onun şərəfinə düzülmüş fəxri qaravulu türk dilində salamlayıb. Daha sonra liderlər təkbətək görüş Prezident Sarayına daxil olublar.

Putinin kortejinin silahlı atlılarla müşayiət edilməsi diqqətlərdən yayınmayıb.

***

16:41

Rusiya Prezidenti Vladimir Putin Ankaraya gəlib.

Teleqraf.com xəbər verir ki, Putinin təyyarəsi Əsənboğa aeroportuna eniş edib.

Rusiya prezidentini aeroportda Türkiyə xarici işlər nazirinin müavini Əhməd Yıldız, Rusiyanın Ankaradakı səfiri Aleksey Yerxov, Ankara valisi Ərcan Topaca və digər rəsmilər qarsalayıblar.

O, bu gün türkiyəli həmkarı Rəcəb Tayyib Ərdoğanla birlikdə “Akkuyu” AES-in təməlqoyma mərasimində iştirak edəcək. Daha sonra Putin və Ərdoğan arasında təkbətək görüş keçiriləcək.

Liderlər bu gün Türkiyə - Rusiya Yüksək Səviyyəli Əməkdaşlıq Şurasının 7-ci toplantısına qatılacaq.

Sabah isə Rusiya, İran və Türkiyə prezidentlərinin Ankarada üçtərəfli görüşü keçiriləcək.