İşıqlar yandı - Qəza aradan qaldırıldı

22:20

Mingəçevir şəhərində fəaliyyət göstərən Azərbaycan İstilik Elektrik Stansiyasının 6-cı enerji blokunda baş verən qəzadan sonra aparılan təmir-bərpa işləri başa çatdırılıb.

Bu gün axşam saat 21:00-da stansiyadan Mingəçevir şəhərinə enerji verilişi bərpa olunub.

Digər şəhər və rayonlara elektrik enerjisinin verilişinin təmin olunması üçün tədbirlər görülür.

20:47

Bakının və ölkənin enerji təchizatında yenidən yaranan problem qismən aradan qaldırılıb.

Bu barədə “Azərenerji” ASC-nin İctimaiyyətlə əlaqələr şöbəsinin rəhbəri Yəhya Babanlı məlumat verib.

Onun sözlərinə görə, problemin tam şəkildə aradan qaldırılması üçün işlər görülməkdədir. Yaranmış nasazlıqla bağlı tezliklə ictimaiyyətə məlumat veriləcək.