Türk Dövlətləri Təşkilatından Qazaxıstana dəstək: "Bəyan edirik ki..."

Türk Dövlətləri Təşkilatı Qazaxıstanda baş verən hadisələrlə bağlı xüsusi açıqlama verib.

Teleqraf.com açıqlamanı təqdim edir:

"Türk Dövlətləri Təşkilatına üzv dövlətlər olaraq, Qazaxıstanda baş verən son hadisələrin işığında, biz Qazaxıstanda sülh və sabitliyə verdiyimiz əhəmiyyəti vurğulayır və üzv ölkəmiz Qazaxıstana güclü həmrəyliyimizi bildiririk. Biz qardaş qazax xalqının sağlam düşüncəsinə və normal həyata qayıtmaq istəyinə arxalanırıq. Biz inanırıq ki, Qazaxıstan hakimiyyəti sülh yolu ilə gərginliyi azaltmaq, asayişi və sakitliyi bərpa etmək gücünə malikdir. Biz bəyan edirik ki, Qazaxıstan hökumətinə və xalqına lazım ola biləcək hər cür dəstəyi verməyə hazırıq. Hadisələrdə həyatını itirənlərə başsağlığı verir və yaralananlara şəfa diləyirik".