Qazaxda polis bıçaqlandı - Əməliyyat

Qazax rayonunda bıçaqlanma hadisəsi baş verib.

Teleqraf.com xəbər verir ki, rayon ərazisində yanacaqdoldurma məntəqələrindən birində Ağstafa rayon polis şöbəsinin əməliyyatçısı, 23 yaşlı Nurlan Vəliyev bıçaqlanıb.

Nurlan Vəliyev xəstəxanaya yerləşdirilib, ona tibbi yardım göstərilib. Vəziyyətinin ağır olduğu bildirilir.

Nurlan Vəliyevi bıçaqlayan şəxs müəyyən edilib və onun tutulması üçün tədbirlər görülür.

Faktla bağlı cinayət işi başlanıb.