Oğuz və Qəbələ meşələrində yanğın - Son dəqiqə

Fövqəladə Hallar Nazirliyi (FHN) Böhran Vəziyyətlərində İdarəetmə Mərkəzinə daxil olmuş məlumata əsasən, 28 avqust 2017-ci il tarixində Oğuz rayonunun Xaçmaz, Qəbələ rayonunun Duruca və Tikanlı kəndlərində meşə zolağında yanğın baş verib.

FHN-dən Teleqraf.com-a verilən məlumata görə, Dövlət Yanğından Mühafizə Xidməti, Mülki müdafiə qoşunları və Şimal-qərb Regional Mərkəzinin müvafiq xilasetmə qüvvələri, həmçinin Aviasiya dəstəsinin 1 ədəd yanğınsöndürmə helikopteri söndürmə işlərinə cəlb olunub.

Duruca kəndində meşə ağacları və kol-kos 1 hektar sahədə yanıb. Yanğın saat 20:53-də söndürülüb.

Qalan ərazilərdə söndürmə işləri davam etdirilir. Əlavə məlumat veriləcək.