3 saat 50 dəqiqə növbədə durdum – Deputatdan etiraz/Foto

Bu gün düz 3 saat 50 dəqiqə növbədə durduqdan sonra “Qarabağ-“Roma” oyununa bilet aldım.

Teleqraf.com xəbər verir ki, bunu Milli Məclisin deputatı Aydın Mirzəzadə bildirib.

O qeyd edib ki, bileti “ASAN Xidmət”in Yasamal filalının binasında yerləşən bilet kassasından əldə edib: “Növbə böyük idi, hətta xarici ölkə vətəndaşları da bilet alırdılar. Bilet satışını həyata keçirən firma bilet satışını daha yaxşı təşkil edə bilərdi. Yüzlərlə insana cəmi bir satıcı qız xidmət edirdi. İki dəfə printer xarab oldu, növbədəkilər birində 40 dəqiqə, ikincisində isə 20 dəqiqə onun düzəlməyini gözləməli oldular.

Satıcı qıza xüsusi təşəkkür düşür, o çox səbirlə işləyirdi və böyük növbəyə görə nahara getmədi”.