Türkiyədə növbəti terakt: Şəhid sayı artdı - Yeni/Video

09:45

Türkiyənin Siirt bölgəsində PKK terrorçu təşkilatının silahlıları hərbi hissəyə hücum edib.

Teleqraf.com xarici mediaya istinadla xəbər verir ki, hadisə nəticəsində 5 əsgər şəhid olub, 7-si yaralanıb.

Hücum Eruh rayonunun Ormanard kəndi yaxınlığındakı hərbi hissəyə edilib.

***

09:58

Hücumdan sonra Siirt valisi Əli Fuad Atik yaralıların aparıldığı xəstəxanaya baş çəkib. O, hücumu terror aktı adlandırıb.

Hadisədən sonra Türkiyə Silahlı Qüvvələri bölgədə anti-terror əməliyyatına başlayıb.

***

PKK terror təşkilatının Eruh rayonunun Ormanard kəndi yaxınlığındakı hərbi hissəyə hücumu nəticəsində şəhid olan hərbçilərin sayı 6-ya çatıb.

Məlumatlara görə, ölənlər təhlükəsizlik keşikçiləri olub. Daha 3 təhlükəsizlik keşikçisi və 4 əsgər isə yaralı halda xəstəxanalara çatdırılıb.