DİN-dən dəhşətli qəza ilə bağlı – Açıqlama

Daxili İşlər Nazirliyi Qax rayonunda 2 nəfərin öldüyü yol-nəqliyyat hadisəsi barədə məlumat yayıb.

Teleqraf.com xəbər verir ki, hadisə iyunun 29-da saat 10 radələrində Qax rayonunun Tanqıt kəndi ərazisində baş verib.

Zaqatala rayon sakini İlkin Əliyevin idarə etdiyi “Mercedes” markalı mikroavtobus və Qaratala kənd sakini Fəxri Məmmədlinin idarə etdiyi “KamAZ-5511” markalı avtomobillər toqquşub.

Daha sonra “Mercedes” markalı avtomobil yolun kənarındakı ağaca çırpılıb.

Nəticədə İlkin Əliyev hadisə yerində ölüb, 3 sərnişin xəstəxanaya yerləşdirilib, onlardan Rəhilə Mikayılova orada dünyasını dəyişib.

Baş İstintaq və Təhqiqat İdarəsi tərəfindən araşdırma aparılır.