Zaqatalada ağır qəza: 1 ölü, 1 yaralı

Zaqatala rayonunun Mosul kəndi ərazisində yol-nəqliyyat hadisəsi baş verib.

Daxili İşlər Nazirliyi mətbuat xidmətindən Teleqraf.com-a verilən məlumata görə, iyunun 6-da saat 14 radələrində Zaqatala rayonunun Mosul kəndi ərazisində Əliabad kənd sakini Ü.Əliyev idarə etdiyi “Nissan” markalı avtomobili aşırıb.

Nəticədə avtomobildəki sərnişin Bəxtiyar Abbasov hadisə yerində ölüb, sürücüyə xəstəxanada ilkin tibbi yardım göstərildikdən sonra buraxılıb.

Faktla bağlı Zaqatala rayon polis şöbəsində araşdırma aparılır.