9 İyul 14:37
783

Bakıya rayonlardan qanunsuz sərnişin daşıması ilə məşğul olan şəxslər saxlanılıblar.

Bu barədə Teleqraf.com-a Daxili İşlər Nazirliyinin mətbuat xidmətindən bildirilib.

Məlumata görə, Ağdaş rayon Yuxarı Qəsil kənd sakini Nicat Hüseynov özünə məxsus olan avtomobillə iyulun 7-də postlardan yayınmaqla müvafiq icazəsi olmayan şəxsləri Bakı şəhərinə gətirərkən Dövlət Yol Polisinin və Abşeron rayon Polis İdarəsinin əməkdaşlarının birgə əməliyyatı nəticəsində saxlanılıb.

Ona İnzibati Xətalar Məcəlləsinin 211.1-ci maddəsi (karantin rejimi qaydalarını pozma) maddəsi ilə 15 sutka inzibati həbs cəzası verilib.

Həmçinin Qəbələ rayon Bunud kənd sakini, 1985-ci il təvəllüdlü Əziz Ağakişiyev də Qəbələdən paytaxta qanunsuz sərnişin daşıdığına görə 15 sutka inzibati həbslə cəzalandırılıb.


Müəllif: Hacı Zeynalov