“Ermənilər xaricdə güclü işləyirlər”

Deputat Musa Qasımlı Milli Məclisdə çıxışı zamanı qeyd edib ki, Ermənistan xaricdə geniş fəaliyyət göstərir.

O, bu fəaliyyətə qarşı müəyyən addımların atılmasının vacibliyini önə çəkib:

“Biz də öz fəaliyyətimizi gücləndirməliyik. Biz işğal edilən ərazilərimizdə məcburi yerləşdirmə ilə bağlı həm beynəlxalq parlamentlərə, həm də ayrı-ayrı parlamentlərə, habelə oradakı Azərbaycanla Dostluq Qrupunu üzvlərinə məlumat verməli, onlardan bu məsələni öz parlamentlərində qaldırmasını istəməliyik”.

Deputat daha sonra xatırladıb ki, 2015-ci il üçün saxta erməni soyqırımı ilə bağlı ermənilər ciddi hazırlıq işləri aparır:

“Təklif edirəm ki, biz də Xocalı soyqırımı ilə bağlı ciddi addımlar ataq, xüsusilə 2015-ci ildə bu istiqamətə diqqət ayıraq. Nəticənin necə olmasından asılı olmayaraq bu həm də bir testdir”.

Nemət