Türkiyədə daha bir ağır yol qəzası – 6 nəfər öldü

Türkiyənin İzmir əyalətində sərnişin mikroavtobusu aşıb.

Teleqraf.com-un Türkiyə KİV-lərinə istinadən verdiyi məlumata görə, mikroavtobus Kınık rayonundan Kemalpaşa rayonuna gedirmiş.

Məlumata əsasən, hadisə yerinə çox sayda təcili yardım briqadaları və xilasedicilər cəlb edilib.

Bildirilir ki, qəza nəticəsində 6 nəfər həlak olub, 11 nəfər isə xəsarət alıb. Xəsarət alanlar Turqutlu və Kemalpaşa rayonlarının dövlət xəstəxanalarına yerləşdiriliblər.