Bərdədə 16 yaşlı oğlan faciəli şəkildə öldü

Bərdə rayonunda faciəli hadisə baş verib.

Teleqraf.com xəbər verir ki, rayon sakini, 1985-ci il təvəllüdlü Xəqani Qasımov idarə etdiyi “T 28X4 MS” markalı traktor ilə rayonun Lənbəran kəndi istiqamətində hərəkətdə olan zaman traktorda sərnişin qismində əyləşən 2007-ci il təvəllüdlü Davud Paşayev yıxılıb. O, aldığı bədən xəsarətlərindən hadisə yerində ölüb.

Faktla bağlı Bərdə rayon polis şöbəsinin istintaq bölməsində Cinayət Məcəlləsinin 263.2-ci maddəsi ilə cinayət işi başlanıb.

İstintaq aparılır.