Gəncədə iki avtomobil toqquşdu: Xəsarət alanlar var

Gəncə şəhərində yol qəzası baş verib.

Teleqraf.com xəbər verir ki, hadisə 41-nömrəli orta məktəbin yaxınlığında qeydə alınıb.

Belə ki, "Chevrolet Cruze" markalı avtomobillə "VAZ21015" markalı avtomobil toqquşub.

Hadisə zamanı üç nəfər xəsarət alıb. Onların vəziyyəti normaldır. İlkin ehtimala görə, qəzaya səbəb avtomobillərin işıqforun qadağanedici işarəsinə düzgün əməl etməmələri səbəb olub.

Faktla bağlı araşdırma başlanılıb.