Qaradağda oğurluq edən şəxslər tutuldu

Bakının Qaradağ rayonunda oğurluq hadisəsi baş verib.

Teleqraf.com xəbər verir ki, Qaradağ Rayon Polis İdarəsinin 10-cu Polis Şöbəsi əməkdaşlarının keçirdikləri tədbirlərlə fevralın 19-na keçən gecə Puta qəsəbəsi ərazisində bir nəfərin torpaq sahəsindən 8000 manat dəyərində tikinti materialı oğurlamaqda şübhəli bilinən Elman Muradov və Mürsəl Əhmədov saxlanılıblar.

Bundan başqa, Qaradağ Rayon Polis İdarəsinin 10-cu Polis Şöbəsi əməkdaşlarının keçirdikləri tədbirlərlə fevralın 7-də Lökbatan qəsəbəsi ərazisində lotoreya satışı məntəqəsindən piştaxtadan 600 manat dəyərində lotereya biletlərini oğurlamaqda şübhəli bilinən Daşqın Abdullayev müəyyən olunub.