Suraxanıda evlərdən birindən oğurluq edən şəxs saxlanıldı
15:00
Polis Suraxanı rayonu ərazisində oğurluq edən şəxsi saxlayıb.
Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.
Bildirilib ki, Suraxanı rayonu Qaraçuxur qəsəbəsində yerləşən evlərin birindən 6550 manatın oğurlanması barədə polisə məlumat daxil olub. Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən bir yeniyetmə müəyyən olunaraq saxlanılıb.
Suraxanı Rayon Polis İdarəsinin 30-cu Polis Bölməsi əməkdaşları tərəfindən aparılan araşdırmalarla isə quldurluq etdiyinə görə tutulmuş A.Balayevin Hövsan qəsəbəsində yerləşən məntəqələrin birindən 3000 manat dəyərində təmir alətləri oğurlaması da müəyyən olunub.
Araşdırmalar aparılır.
Müəllif:
Əsəd Məmmədəliyev
.jpg)
