"Azadlıq-2015" Seçki Blokunun planları pozulub

"Azadlıq-2015" Seçki Bloku qarşıdan gələn parlament seçkilərinə ciddi hazırlaşsa da, namizədlərinin çoxu qeydə alınmayıb. Lakin buna baxmayaraq blok seçkilərə hazırlaşır. İndiyə qədər blokun 16 namizədi qeydə alınıb və seçkilərdə iştirak edəcək.

Qeyd edək ki, buna qədər blok 60 seçki dairəsindən namizəd irəli sürmüşdü. Daha 15 dairə üzrə namizədlərini müəyyən edəcəyini elan etmişdi. Əsas məqsəd isə Seçki Məcəlləsinə uyğun olaraq tələb olunan sayda namizəd irəli sürmək, onu qeydə aldırmaq və pulsuz efir vaxtı əldə etmək idi. Lakin hadisələr göstərir ki, "Azadlıq-2015" Seçki Blokunun parlament seçkilərinə dair planları baş tutmayıb. Bu isə o deməkdir ki, blok qarşıdan gələn seçkilərdə ciddi uğur əldə edə bilməyəcək. Ancaq buna baxmayaraq blok seçkilərdə iştiraka qərarlıdır.

Cavidan