CAR və Sudan prezidentləri İlham Əliyevi təbrik edib

Cənubi Afrika Respublikasının Prezidenti Ceykob Gedleyihlekisa Zuma Azərbaycan Prezidenti İlham Əliyevə təbrik məktubu ünvanlayıb.

Təbrikdə deyilir: "Zati-aliləri. Milli bayramınız - Respublika Günü münasibətilə Sizə, Azərbaycan xalqına və Hökumətinə Cənubi Afrika Respublikasının xalqı, Hökuməti adından və şəxsən öz adımdan ən səmimi təbriklərimi və xoş arzularımı çatdırıram.

Fürsətdən istifadə edərək, Zati-alinizə möhkəm cansağlığı diləyir, ölkələrimiz arasındakı mükəmməl dostluq münasibətlərini daha da gücləndirmək arzusunda olduğumuzu bir daha təsdiq edirik.

Zati-aliləri, xahiş edirəm, yüksək ehtiramımı qəbul edin".

X X X

Sudan Prezidenti Ömər Həsən Əhməd əl-Bəşirdən: "Zati-aliləri. Milli bayramınız - Respublika Günü münasibətilə Sizi, Azərbaycan xalqını və Hökumətini Sudan xalqı, Hökuməti adından və şəxsən öz adımdan səmimi qəlbdən təbrik edirəm.

Fürsətdən istifadə edərək, ölkələrimiz və xalqlarımız arasında mövcud olan dostluq əlaqələrindən məmnunluğumu bildirir, bu əlaqələrin gələcəkdə daha da inkişaf etməsini diləyirəm.

Zati-aliləri, Sizə cansağlığı, Azərbaycan xalqına isə rifah və tərəqqi arzu edirəm".

X X X

Küveyt Dövləti Nazirlər Şurasının sədri Cabir əl-Mübarək əl-Həməd əl-Sabahdan: "Zati-aliləri. Dost Azərbaycanın milli bayramı - Respublika Günü münasibətilə Zati-alinizə böyük məmnuniyyətlə ən xoş salamlarımızı və səmimi təbriklərimizi çatdırırıq.

Fürsətdən istifadə edərək, Küveyt Dövləti ilə Azərbaycan Respublikasını bir-birinə bağlayan dostluq münasibətlərindən məmnunluğumuzu xüsusi vurğulayır, ikitərəfli əlaqələri daha da möhkəmləndirmək və ölkələrimiz arasındakı əməkdaşlıq sahələrini dost xalqlarımızın mənafeyi naminə daha da genişləndirmək niyyətimizi bildiririk.

Zati-alinizə bir daha öz səmimi təbriklərimizi yetirir, Sizə cansağlığı və xoşbəxtlik, dost Azərbaycan xalqına davamlı tərəqqi və çiçəklənmə arzulayırıq".