“Qalatasaray” 34,2 milyon avro qazandı

Çempionlar Liqasında mübarizəni dayandıran “Qalatasaray”ın turnirdən əldə etdiyi gəlir açıqlanıb.

Teleqraf.com xəbər verir ki, İstanbul nəhənginin qitənin ən nüfuzlu klub turnirindən ümumi gəliri 34,2 milyon avro təşkil edib.

“Sarı-qırmızılılar” göstərilən məbləğin 15,25 milyonunu ÇL-də iştiraka, 5,76 milyonunu qrup mərhələsindəki nəticələrinə, 7,5 milyonunu teleyayıma, yerdə qalan hissəsini isə digər marketinq gəlirlərinə görə əldə edib.

Qeyd edək ki, “Portu”, “Şalke” və Moskva “Lokomtiv”i ilə D qrupunda yer alan “Qalatasaray” 3-cü yeri tutaraq, Avropa Liqasının pley-offunda oynamaq hüququ qazanıb.