"Sabah"da afrikalı hücumçu

"Sabah" baxışa yeni futbolçu çağırıb.

Klubun mətbuat xidmətindən Teleqraf.com-a verilən məlumata görə, Qananın U-23 millisinin üzvü Daniel Lomotey paytaxt təmsilçisinin düşərgəsindədir. 3 gün öncə Topaz Premyer Liqanın debütantına qoşulan afrikalı hücumçu dünən Region Liqasında mübarizə aparan "Bakı" klubu ilə yoxlama oyununda da meydana çıxıb.

19 yaşlı forvardla bağlı yekun qərar qarşıdakı günlərdə veriləcək.