Messi Luis Enrikeni "Barselona"dan göndərir

"Barselona"nın prezidenti Josep Mariya Bartomeu futbolçu Lionel Messi ilə görüşüb.

"Elçe"yə qarşı İspaniya kubokunun 1/8 final mərhələsində keçirilən matçdan sonra baş tutan görüşdə baş məşqçi məsələsi müzakirə olunub.

Klub prezidenti görüş zamanı hazırkı çalışdırıcı Luis Enrike məsələsində Messiyə onu dəstəklədiyini deyib. Messi isə Enrikeni Frank Raykardın əvəzləməsini məsləhət görüb.

Qeyd edək ki, Messi L.Enrike ilə yaşadığı qalmaqaldan sonra rəhbərliklə görüşərək onların qarşısına "ya mən, ya da Enrike" tələbini qoyub./qol.az/