"Real"ın ulduzu Səudiyyə Ərəbistanında oynaya bilər

İspaniyanın "Real" klubunun futbolçusu Vinisius Junior Səudiyyə Ərəbistanından gələn illik 350 milyon avroluq təklif barədə düşünmək üçün mövsümün sonuna qədər vaxt istəyib.

Teleqraf.com xəbər verir ki, bu barədə ESPN məlumat yayıb.

24 yaşlı braziliyalı futbolçunun nümayəndələri Madrid klubunun rəhbərliyinə hazırkı müqavilənin müddətini uzatmaqda maraqlı olmadığını bildirib.

Qeyd edək ki, futbolçunun İspaniya təmsilçisi ilə hazırkı müqaviləsinin müddəti 2027-ci ilə qədərdir. La Liqa klubunun rəhbərliyi futbolçunun sərbəst qalma məbləğini 1 milyard avro olaraq müəyyənləşdirib. "Transfermarkt" portalı futbolçunu 180 milyon avro dəyərində qiymətləndirir.