Runi üçün mövsüm erkən başa çata bilər

"Mançester Yunayted"in kapitanı Ueyn Runi zədələnib.

Qol.Az-ın Britaniya mətbuatına istinadən yaydığı xəbərə görə, bu, "Everton"a qarşı İngiltərə Premyer Liqasının 34-cü turunda baş verib.

88-ci dəqiqədə zədələnən ingilis hücumçu Robin van Persi ilə əvəzlənib.

U.Runinin bu mövsümü erkən başa vurma ehtimalı olduğu bildirilir.

"MY"nın baş məşqçisi Lui van Qal matçdan sonra 29 yaşlı oyunçunun son durumu ilə bağlı açıqlama verib:

"Runi dizindən zədə alıb. Onun zədəsinin nə qədər ciddi olduğu tibbi müayinədən keçdikdən sonra müəyyənləşəcək".

Qeyd edək ki, "Everton" - "Mançester Yunayted" oyunu meydan sahiblərinin 3:0 hesablı qələbəsi ilə başa çatıb.