Rihanna bu dəfə veteranları əyləndirəcək

ABŞ-da hər il qeyd olunan Veteranlar Günü bayramı şərəfinə paytaxt Vaşinqtonda böyük konsert təşkil olunub.

Teleqraf-com-un VOA-ya istinadən məlumatına görə, Vaşinqtonun “National Mall” adlanan milli parkında Kapitoliya binasının önündə keçiriləcək “Cəsarət üçün kosert”də 800 mindən artıq insanın iştirak edəcəyi gözlənilir. Konsertdə rokinrol əfsanəsi Brüs Sprinqstin, blyuz ifaçısı Rihanna, kountri ulduzu Kerri Andervud və ağır metal qrupu “Metallica” daxil olmaqla bir neçə məşhur ifaçı və qrup səhnəyə çıxacaq.

Qeyd edək ki, vetaranlar günü 1918-ci ilin noyabrın 11-də Fransada Versalda Birinci Dünya Müharibəsinin sona çatmasına yol açan sazişin imzalanmasının şərəfinə ilk dəfə ABŞ-da 1919-cu ildə Sülh günü kimi qeyd edilib.