Hiss "Mənə pis olma" dedi - Video

Müğənni Hiss 8 aydan sonra yeni mahnısı və klipini təqdim edib.

Teleqraf.com xəbər verir ki, musiqisi və sözləri YAP10-a (Zamiq Əliyev), aranjimanı isə Nihad Məlikova məxsus olan mahnı "Mənə pis olma" adlanır.

Çəkilişləri Türkiyənin Antalya şəhərində baş tutan ekran işinin rejissorluğunu İsmayıl Eren Yalçın edib.

Hiss bir-birindən fərqli obrazlarda kamera qarşısına keçib. Yeni işi ilə çox iddialı olan ifaçı bu treki "Yayın son hiti" adlandırıb. Klip Hissin "yutub" kanalında və mahnı isə bütün musiqi platformalarında yayımlanmaqdadır.