25 Dekabr 2017 11:40
670

Moskva ABŞ-la qarşıdurmanı gücləndirmək fikrində deyil, lakin istənilən aqressiyaya cavab verəcək.

Teleqraf.com xəbər verir ki, bu sözləri Rusiya XİN rəhbəri RİA-ya müsahibəsində deyib.

O, qeyd edib ki, ABŞ-ın anti-Rusiya ovqatını gücləndirməsinə baxmayaraq, Rusiya tərəfi praqmatik münasibətini qoruyub saxlayır:

"Aqressiv həmlələrə cavab veririk, lakin qarşıdurmanın güclənməməsinə çalışırıq. Bundan sonra da bütün səyimizlə bu mövqeyimizi qorumağa, ABŞ-dakı həmkarlarımızın ikitərəfli dialoq əsasında təməl prinsiplərə qayıtmasına çalışacağıq. Bu təməl prinsiplərin içində başlıca yeri bir-birinin maraqlarına sayğı tutur. Bunlarsız münasibətləri sağlamlaşdırmaq mümkün də deyil”.

Rusiya ilə ABŞ arasında “dəmir pərdə”nin mövcud olması ilə bağlı suala isə XİN şefi belə cavab verib:

“İndiki mərhələdə “dəmir pərdə" termininin Rusiya-ABŞ münasibətlərinə aid olduğunu düşünmürəm”.


Müəllif: Alpər