"Torpaqlarımızı hərbi yolla qaytarmaq hüququ…" - Şərh

BMT-nin 75-ci Sessiyasında Baş katib Antonio Quterreş növbəti 100 gün ərzində bütün münaqişələrdə atəşkəsin təmin edilməsi ilə bağlı müraciət edib. Analoji müraciəti cənab Quterreş bu ilin mart ayında da etmişdi. BMT rəhbərinin atəşkəslə bağlı hər iki müraciəti pandemiya ilə səmərəli mübarizənin aparılması reallığından qaynaqlanır. Amma bu müraciətlər səmərəli oldumu? Quterreşin istinad etdiyi statistika bu suala müsbət cavaba imkan vermir. Birinci çağırışa 180 dövlət dəstək verdiyi vurğulanır. Kamerunda, Kolumbiyda və Filippində hərbi toqquşmalara nisbi pauza verildiyi bildirilir. Baş katibinin hər iki müraciətini qulaqardına vuran dövlətlərın sırasında Ermənistan yəqin ki, lap ön sıradadır.

Bu fikirləri Teleqraf.com-a açıqlamsında Milli Məclisin deputatı Elman Nəsirov bildirib.

O qeyd edib ki, BMT TŞ-nın Ermənistan-Azərbaycan, Dağlıq Qarabağ münaqişəsinin tənzimlənməsi ilə bağlı qətnamələrini icra edilməyib.

Millət vəkili bildirib ki, bu qərarları icra etmədiyinə görə cazasız qalan Ermənistanın tövsiyə xarakterli müraciətlərə məhəl qoymayacağı bəlli idi: “Işğalçı Ermənistanın son hərbi təxribat və avantüralarının təhlili belə qənaətə gəlməyə ciddi əsaslar yaradır. Eyni zamnada bu təxribatlara münasibətdə beynəlxalq ictimaiyyətin müəmmalı seyrçi davaranışı da çoxsaylı suallar doğurur. BMT kimi nəhəng universal beynəlxalq təşkilat belə həmin sualların qarşısında acizlik nümayiş etdirir.

Bu vəziyyət isə məlum münaqişənin sülh deyil, hərbi yolla nizamlanması potensilaını xeyli dərəcədə artırır. Bir çox hallarda isə hətta onu labüd edir”.

Deputat qeyd edib ki, 27 il keçməsinə baxmayaraq BMT TŞ-nın Ermənistan-Azərbaycan, Dağlıq Qarabağ münaqişəsinin tənzimlənməsi ilə bağlı qəbul etdiyi 4 qətnamə icra olunmur: “Həmin qətnamələrdə birmənalı olaraq qeyd olunub ki, erməni silahlı qüvvələri işğal altındakı Azərbaycan ərazilərindən tamamilə, dərhal və qeyd-şərtsiz çıxarılmalıdır. Ermənistan həmin qətnamələrə məhəl qoymur və onları icra etməkdən boyun qaçırır. Halbuki BMT nizamnaməsinin 25-ci maddəsinə əsasən BMT TŞ-nın qətnamələrinin icrası icbaridir, məcburidir.

Nəticədə məlum qətnamələrin icrasına məcbir edilməyən Ermənistan dövlətində arxayınçılıq sindromu formalaşır və onu yeni cinayətlər törətməyə şirnikləndirir”.

Deputat vurğulayıb ki, Azərbayan BMT nizamnaməsinin 51-ci maddəsinə (ərazisi təcavüzə məruz qalan dövlətin fərdi və kollektiv müdafiə hüququ var) istinad edə bilər: “Azərbaycan işğal altındakı ərazilərini istənilən vasitə ilə, o cümlədən hərbi yolla azad etmək hüququna malikdir. 2001-ci il 11 sentyabrda ABŞ ərazisi terror hücumuna məruz qaldı. Pentaqon BMT nizamnaməsinin 51-ci maddəsinə istinad edərək Əfqanıstanda hərbi əməliyyatalara başladı. Belə olan halda Azərbaycanın işğal altındakı torpaqlarını hərbi yolla qaytarmaq hüququna münasibət niyə fəqli olmalıdır? Hansı əsasla ATƏT-in Minsk Qrupu diametral fərqli mövqe nümayiş etdirir, sülh prosesinə alternativ görmür? Nəticədə isə zaman keçir, status-kvo vəziyyəti dəyişmir. Bu, Ermənistanın maraqlarına cavab verir. Azərbaycanın isə səbri tükənməkdədir”.

Elman Nəsirov bildirib ki, Ermənistan rəhbərliyi “Qarabağ Ermənistandır” deməklə danışqları lüzumsuz edib: "BMT-nin 75-ci sessiyasında videoformatda çıxış edən Prezident İlham Əliyev Ermənistanın baş naziri ATƏT-in Minsk qrupunun həmsədrlərinin vasitəçiliyi ilə aparılan danışıqların format və mahiyyətini məqsədyönlü şəkildə pozduğunu diqqətə çatdırıb. Cənab Prezident bildirdi ki, “Qarabağ Ermənistandır” bəyanatı danışıqlar prosesinə ciddi zərbədir: “O, danışıqlar prosesində əsassız şərtlər irəli sürür. Onun Azərbaycana qarşı irəli sürülmüş qəbuledilməz “yeddi şərti” tərəfimizdən rədd edilib. Sülhə nail olunması üçün bizim yeganə şərtimiz var. Ermənistan silahlı qüvvələri Azərbaycanın işğal edilmiş bütün ərazilərindən çıxarılmalıdır. Bütün dünya Dağlıq Qarabağı Azərbaycanın tərkib hissəsi olaraq tanıyır”.