Ərdoğan Kiyevdə - Yeni/Foto

Türkiyə Prezidenti Rəcəb Tayyib Ərdoğan Kiyevə rəsmi səfərə gəlib.

Teleqraf.com xəbər verir ki, səfər Ukrayna lideri Vladimir Zelenskinin dəvəti ilə baş tutur.

Kiyevdə yerləşən prezident iqamətgahının həyətində Türkiyə Prezidentinin rəsmi qarşılanma mərasimi olub. Prezidentlər fəxri qarovul dəstəsinin önündən keçib. Türkiyə nümayəndə heyəti V.Zelenskiyə, Ukrayna nümayəndə heyəti Rəcəb Tayyib Ərdoğana təqdim olunub.

“Biz Ukrayna Prezidenti Vladimir Zelenskinin dəvəti ilə Kiyevdəyik və burada Yüksək Səviyyəli Strateji Şuranın 10-cu iclasında iştirak edəcəyik”, - deyə Rəcəb Tayyib Ərdoğan “Tvitter”də yazıb.

Rəcəb Tayyib Ərdoğan əlavə edib ki, Türkiyə Ukraynanın üzləşdiyi çətinlikləri və bölgədəki gərginliyi diqqətlə izləyir.

***

14:41

Türkiyə Prezidenti Rəcəb Tayyib Ərdoğan Ukraynaya səfərə gəlib.

Teleqraf.com-un xəbərinə görə, Türkiyə Prezidenti Rəcəb Tayyib Ərdoğanın Ukrayna səfəri çərçivəsində sabah Türkiyə ilə Ukrayna arasında azad ticarət sazişi imzalanacaq.

Səfərdən öncə Türkiyə Prezidenti jurnalistlərin suallarını cavablandırıb.