Azərbaycanı bu cür cəhdlərlə qorxutmaq mümkün deyil - Deputat

Həmkarımız Fazil Mustafaya qarşı törədilmiş terror aktı bütün dünya tərəfindən görüldü, qınanıldı.

Teleqraf.com xəbər verir ki, bu sözləri bu gün Milli Məclisin plenar iclasında deputat Aydın Mirzəzadə deyib.

Deputat bildirib ki, martın 25-də Azərbaycan Ordusu Laçın istiqamətində yüksəklikləri nəzarətə götürdü:

"Ondan bir neçə gün sonra millət vəkili Fazil Mustafaya qarşı terror aktı törədildi. Düşünürəm ki, bu məsələlər arasında bir bağlılıq mövcuddur. Ancaq Azərbaycanı bu cür cəhdlərlə qorxutmaq mümkün deyil".