Ayxan Hacızadə Ağdaban soyqırımı ilə bağlı paylaşım etdi - Foto

Azərbaycan Xarici İşlər Nazirliyinin mətbuat xidmətinin rəhbəri Ayxan Hacızadə Ağdaban soyqırımının 31-ci ildönümü ilə bağlı paylaşım edib.

Teleqraf.com xəbər verir ki, bu barədə o, tviter səhifəsində yazıb.

"Ermənistanın azərbaycanlılara qarşı törətdiyi Ağdaban qətliamından 31 il ötür. 130 evdən ibarət Ağdaban kəndi tamamilə yandırılıb, 779 dinc sakin işgəncələrə məruz qalıb. 39 nəfər (8 nəfər 90-100 yaşlı qoca, 2 azyaşlı uşaq, 7 qadın diri-diri yandırılıb, 2 nəfər itkin düşüb) xüsusi amansızlıqla qətlə yetirilib”, - paylaşımda deyilir.

Xatırladaq ki, 1992-ci il aprelin 7-dən 8-nə keçən gecə ermənilər tərəfindən Kəlbəcər rayonunun 130 evdən ibarət Ağdaban kəndi tamamilə yandırılıb və yer üzündən silinib. Bu faciəyə ilk hüquqi-siyasi qiymət verən Ulu öndər Heydər Əliyev Ağdabanda baş verənləri bəşəriyyətə qarşı törədilən ən böyük cinayət adlandırıb, bunu bütün insanlıq adına utanc kimi səciyyələndirib.

31 years have passed since #Aghdaban massacre by #Armenia against Azerbaijanis.

Aghdaban with 130 houses was completely burnt down, 779 civilians tortured. 39 people were killed with special cruelty (8 people aged 90–100, 2 babies and 7 women were cremated alive, 2 went missing pic.twitter.com/RXa2Aw3xJO

— Aykhan Hajizada (@Aykhanh) April 8, 2023