"Azərbaycan Ermənistandan təcili danışıqlar aparmaq təklifi almayıb" - Hacıyev

Azərbaycan Ermənistan hökumətindən Prezident İlham Əliyevlə təcili danışıqlar aparmaq təklifi almayıb.

Teleqraf.com xəbər verir ki bunu "Reuters"ə açıqlamasında Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

O qeyd edib ki, Azərbaycan Silahlı Qüvvələri payız-qış mövsümünə hazırlıqla bağlı planlı təlimlər keçirir və bu, müntəzəm planlaşdırma prosesinin tərkib hissəsidir. Ermənistan isə sərhəddə qoşun cəmləşdirir və yeni silah sistemləri alır.

“Bizim strategiyamız Azərbaycana qarşı istənilən silahlı hücumu və ya təxribatları dayandırmaqdır", - deyə H.Hacıyev bildirib.