Berlində XİN rəhbərlərinin danışıqları yekunlaşdı - Yeniləndi

XİN Azərbaycan və Ermənistan xarici işlər nazirləri arasında Almaniyanın Berlin şəhərində keçirilən görüşə dair məlumat yayıb.

Teleqraf.com xəbər verir ki, məlumatda deyilir:

“Fevralın 28-29-da Azərbaycan və Ermənistan xarici işlər nazirləri Ceyhun Bayramovla Ararat Mirzoyan arasında Almaniyanın paytaxtı Berlin şəhərində Villa Borsig-də danışıqlar aparılıb.

Nazirlər və onların heyətləri arasında “Sülhün və dövlətlərarası münasibətlərin təsis edilməsi haqqında ikitərəfli Saziş” layihəsinin müddəaları üzrə mövqelər müzakirə edilib. Bəzi əsas məsələlər üzrə əlavə işin davam etdirilməsinə ehtiyac olduğu qeyd edilib.

Səfər çərçivəsində, nazirlər Almaniyanın xarici işlər naziri Annalena Berbok ilə görüşüblər.

Nazir Ceyhun Bayramov Azərbaycan və Ermənistan arasında danışıqlara ev sahibliyi etdiyinə görə Almaniya tərəfinə minnətdarlıq ifadə edib”.

***

13:44

Azərbaycan xarici işlər naziri Ceyhun Bayramov və Ermənistan xarici işlər naziri Ararat Mirzoyan arasında Borsiq villasında sülh müqaviləsi layihəsi üzrə danışıqların ikinci günü başlayıb.

Teleqraf.com xəbər verir ki, bu barədə Azərbaycan XİN-in "X" hesabında paylaşım edilib.

Qeyd edək ki, Berlində tərəflər arasında danışıqlar fevralın 28-də başlayıb.

The second day of negotiations between the Foreign Minister of #Azerbaijan @Bayramov_Jeyhun and Foreign Minister of Armenia @AraratMirzoyan on the draft peace agreement has just commenced in Villa Borsig. pic.twitter.com/TkHebQvvTY

— MFA Azerbaijan (@AzerbaijanMFA) February 29, 2024