Binəqədidə dəhşətli cinayət: sevgilisini yaraladı, qardaşını öldürdü

Bakının Binəqədi rayonunda cinayət hadisəsi baş verib.

Teleqraf.com xəbər verir ki, Binəqədi qəsəbəsində yaşayan Əfsanə Məmmədovanın evində tanışı - Gədəbəy rayon sakini Fidani İsmayılov münaqişə zəminində Əfsanəyə və onun qardaşı Anara bıçaqla xəsarət yetirib və hadisə yerini tərk edib.

Nəticədə Anar hadisə yerində ölüb, Əfsanə Məmmədova isə xəstəxanaya yerləşdirilib. Əfsanə Məmmədovanın vəziyyətinin ağır olduğu bildirilir.

Binəqədi rayon Polis İdarəsinin 4-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Fidani İsmayılov tutulub.

İlkin məlumata görə, Fidani İsmayılov Əfsanənin sevgilisi olub.

Faktla bağlı araşdırma aparılır.

Hacı Zeynalov