Bakıda kişi qadın tanışı tərəfindən bıçaqlandı

Bakının Xətai rayonunda bıçaqlanma hadisəsi baş verib. Teleqraf.com xəbər verir ki, Bakı şəhər sakini Ramiz Allahverdiyev bıçaqlanıb.

O, bıçaq xəsarəti ilə xəstəxanaya yerləşdirilib, tibbi yardım göstərildiyi üçün onun həyatını xilas etmək mümkün olub.

Ramiz Allahverdiyev istintaqçılar yıxılaraq xəsarət aldığını bildirsə də, onun ifadəsi düzgün olmayıb.

Məlum olub ki, Ramiz Allahverdiyev tanışı Samirə Sadıqova tərəfindən bıçaqlanıb.

Xətai rayon Polis İdarəsinin 35-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən həmyerlisi Samirə Sadıqova tutulub.

Faktla bağlı cinayət işi başlanıb.

Hacı Zeynalov