Bakıda bir gecədə üç qəza: 8 yaralı var

Bakının Sabunçu rayonunda yol-nəqliyyat hadisəsi baş verib. Teleqraf.com xəbər verir ki, Zabrat-Maştağa yolunda minik maşını körpüdən aşıb.

Hadisə zamanı 1992-ci il təvəllüdlü İsaq Vəliyev və anası 1972-ci il təvəllüdlü Sahilə Vəliyə yaralanıb. Hər iki yaralı xəstəxanaya yerləşdirilib.

Daha bir yol qəzası Binəqədi rayonu, Ziya Bünyadov prospektində baş verib. “VAZ 2106” markalı avtomobil körpünün üstündə idarəetməni itirib və nəticədə avtomobil yol kənarındakı beton yol ayrıcına çırpılıb.

Bundan sonra arxadan gələn avtomobillər zəncirvari şəkildə toqquşub. Qəza zamanı 4 nəfər xəsarət alıb.

Oxşar hadisə Nərimanov rayonu, “Çermet” körpüsünün üstündə də qeydə alınıb. Orada baş verən qəzada sürücü xəsarət alıb.

Hacı Zeynalov