Sabunçuda oğurluq edən şəxs tutuldu

Bakının Sabunçu rayonunda oğurluqla məşğul olan şəxs yaxalanıb.

Teleqraf.com xəbər verir ki, Sabunçu rayon Polis İdarəsinin 13-cü polis bölməsi əməkdaşlarının keçirdikləri tədbirlər nəticəsində oğurluq hadisələri törətməkdə şübhəli bilinən Bakı şəhər sakini Aleksandr Qavryuşin tutulub.

O, martın 2-də və 3-də rayon ərazisindəki qarajlardan birindən 2 ədəd velosiped, həmçinin paytaxt sakini Gülarə Hüseynovanın mobil telefonunu və İntiqam Əsgərovun noutbukunu oğurlamaqda şübhəli bilinib.

Faktla bağlı cinayət işi başlanıb.

Hacı Zeynalov