Sabirabadda “Jiquli” yük maşını ilə toqquşdu:1 nəfər yaralandı

Sabirabadda 1 nəfərin xəsarət alması ilə nəticələnən yol qəzası baş verib.

“Report”un Aran bürosu xəbər verir ki, hadisə aprelin 1-i günorta saatlarında rayonun Şixlar kəndində qeydə alınıb.

Həmin kəndin sakini, 50 yaşlı Əliyar Fazil oğlu Musayevin idarə etdiyi “Jiquli” markalı avtomobil “Kamaz”la toqquşub. Nəticədə avtomobildə sıxılıb qalmış “Jiquli”nin sürücüsü FHN-nin əməkdaşları tərəfindən çıxarılaraq aidiyyəti üzrə təhvil verilib. Müxtəlif dərəcəli bədən xəsarətləri alan yaralı Sabirabad Rayon Mərkəzi Xəstəxanasında ilkin tibbi yardım aldıqdan sonra Cərrahiyyə şöbəsinə yerləşdirilib.

Faktla bağlı araşdırma aparılır.