Ağstafa sakini həmyerlisini güllələdi

Ağstafa rayonunun Dağ Kəsəmən kəndi ərazisində silahlı insident baş verib.

Teleqraf.com xəbər verir ki, rayon sakini Rauf Niyazov bud nahiyəsindən qırma yarası ilə xəstəxanaya gətirilib.

Ağstafa rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən Rauf Niyazovun həmyerlisi Tural Qurbanov saxlanılıb, onun yaşadığı evin zirzəmisinə baxış zamanı “İJ-12” markalı tüfəng aşkar edilərək götürülüb.

Faktla bağlı araşdırma aparılır.