Biznes arzusu gözündə qaldı, 50 min dolları getdi... - Bakıda

Bakının Nəsimi rayonunda binzes qurmaq adı ilə vətəndaşa qarşı dələduzluq edilib.

Teleqraf.com xəbər verir ki, Bakı şəhər sakini Rüstəm Abdullayev Lətif adlı şəxsə 50 min dollar verib.

Lətif adlı şəxs Rüstəm Abdullayevi biznes qurmaq barədə vəd verib və qeyd olunan məbləğdə pulu ondan alıb.

Amma həmin şəxs vədinə əməl etməyib.

Bu səbəbdən Rüstəm Abdullayev 22-ci polis şöbəsinə müraciət edib.

Faktla bağlı araşdırma aparılır.