Şəmkirdə və Daşkəsəndə ölümlə nəticələnən qəzalar baş verib

Şəmkir rayonu Təzəkənd kəndinin ərazisində ölümlə nəticələnən yol qəzası baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Mahmudlu kənd sakini Volodya Kirov idarə etdiyi “VAZ-21074” markalı avtomobillə yolu keçən kənd sakini Kamil Babayevi vurub. Xəstəxanaya yerləşdirilmiş K.Babayev orada ölüb.

Daha bir yol qəzası Daşkəsən rayonu Zəylik kəndinin ərazisində qeydə alınıb. Tərtər rayon sakini Mehman Məmmədov idarə etdiyi “Belarus” markalı traktoru dərəyə aşırıb.

Xəstəxanaya yerləşdirilmiş M.Məmmədov avqustun 13-də orada ölüb.

Hacı Zeynalov