Bakıda evdən 25 minlik qızıl oğurlandı

Bakının Nərimanov rayonunda oğurluq hadisəsi baş verib.

Teleqraf.com xəbər verir ki, rayon ərazisində yaşayan Rüfət Qurbanovun evindən 3000 manat nəğd pul, 25 min manatlıq isə qızıl-zinət əşyaları oğurlanıb.

Hadisə ilə bağlı polisə məlumat verilib.

Cinayəti törədən şəxs və ya şəxslərin müəyyən edilərək həbs edilməsi istiqamətində əməliyyat-axtarış tədbirləri keçirilir.

Faktla bağlı cinayət işi başlanıb.