Xırdalanda silsilə cinayətlər törədən yeniyetmə tutuldu

Abşeron rayonunda oğurluq hadisəsi baş verib.

Teleqraf.com xəbər verir ki, Xırdalan şəhəri ərazisindəki mağazaların birindən 880 manat oğurlanıb.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Yardımlı rayon sakini olan bir yeniyetmə saxlanılıb.

Ətrafında keçirilmiş tədbirlərlə onun cari ilin fevral-iyun aylarında daha iki mağazadan və bir avtomobildən noutbuk, pul, tütün məmulatı və məişət əşyaları oğurlaması da müəyyən edilib.