Oğurladığı avtomobili həyətində gizlətdi – Qubada

Quba rayonunda oğurluq hadisəsi baş verib.

Teleqraf.com xəbər verir ki, oktyabrın 8-də, saat 23 radələrində Quba rayon sakini Elvin Məmmədovun “VAZ-2103” markalı avtomobilinin Birinci Nügədi kəndi ərazisindən qaçırılması barədə polisə məlumat daxil olub.

Məlumat əsasında rayon polis şöbəsinin əməkdaşları tərəfindən əməliyyat-axtarış tədbirlərinə başlanılıb.

Qısa müddətdə avtomobili qaçırmaqda şübhəli bilinən kənd sakini Pərviz Məmmədov polis əməkdaşları tərəfindən saxlanılıb.

Avtomobil onun həyətində aşkar edilib.

Faktla bağlı cinayət işi başlanıb.