12 Dekabr 2018 13:28
661
12 Punto 14 Punto 16 Punto 18 Punto

Son günlərdə dövlət sərhədindən buraxılış məntəqələrində 5 şəxsin saxta sənədlərlə keçməsinin qarşısı alınıb.

Dövlət Sərhəd Xidmətinin mətbuat mərkəzindən Teleqraf.com-a verilən məlumata görə, Moskva-Bakı reysi ilə uçub gələn Pakistan vətəndaşı, 1989-cu il təvəllüdlü Anwar Johnynin Böyük Britaniyaya məxsus pasportun qis­mən saxta olması, Bakı-İstanbul reysi ilə uçub gedən Pakistan vətəndaşı, 1984-cü il təvəllüdlü İmran Saqibin İsveçə məxsus İD kartının tam saxta olması müəyyən olunub, Moskva-Bakı reysi ilə uçub gələn Özbəkistan vətəndaşı, 1993-cü il təvəllüdlü Zubaydiva Ziyodanın pasportunda tarix-ştampların, Erbil-Bakı reysi ilə uçub gələn Böyük Britaniya vətəndaşı 1984-cü il təvəllüdlü Swar Solav Moohammed Aminin isə pasportunun saxta olması müəyyən edilib. Araşdırma zamanı üzərindən ona məxsus İraq vətəndaşı, 1982-ci il təvəllüdlü Qahriya Sulaiman Husseinin adına olan pasport aşkar olunub, Dubay-Bakı reysi ilə uçub gələn Hindistan vətəndaşı 1992-ci il təvəllüdlü Chaudhari Ravindrakumar Joitabhainin Azərbaycan Respublikasına elektron vizasının saxta olması aşkarlanıb.

Saxlanılan şəxslər barəsində müvafiq tədbirlər görülüb.


Müəllif: Hacı Zeynalov