Üç rayonda əməliyyat: saxlanılanlar var

Azərbaycanda üç rayonda silah-sursatla bağlı əməliyyat keçirilib.

Teleqraf.com xəbər verir ki, İmişli rayon polis şöbəsi əməkdaşlarının daxil olmuş məlumat əsasında keçirdikləri əməliyyat –axtarış tədbiri nəticəsində Ağcabədi rayon sakini N.Tağıyevin idarə etdiyi “BMW” markalı avtomobildən 1 ədəd bıçaq, 2 ədəd dəyənək, 1 cüt əlcək və 1 ədəd yapışqanlı lent aşkar edilərək götürülüb.

Bundan başqa, Zərdab rayon polis şöbəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Alıcanlı kənd sakini A.Şükürovdan müvafiq sənədləri olmayan “TOZ” markalı ov tüfəngi götürülüb.

Oxşar əməliyyat Ağdaşda da keçirilib.

Polis əməkdaşlarının daxil olmuş məlumat əsasında keçirdikləri əməliyyat tədbiri nəticəsində Pirkəkə kənd sakini M.İsmayılovdan müvafiq sənədləri olmayan “TOZ-16” markalı ov tüfəngi götürülüb.