Küçədə qadın soyanlar tutuldu

Bakının Nəsimi rayonunda soyğunçuluq edən mütəşəkkil dəstə zərərsizləşdirilib.

Bu barədə Teleqraf.com-a Nəsimi rayon Polis İdarəsindən məlumat verilib.

Məlumata görə, hadisə sentyabrın 13-də, gecə saatlarında baş verib. Bakı şəhər sakini Aydan Sadıqlı bir neçə nəfər şəxsin soyğunçuluğu ilə üzləşib. Onlar Aydan Sadıqlının mobil telefonunu alaraq qaçıblar.

Zərərçəkmiş soyğunçuluqla üzləşməsi ilə bağlı 22-ci polis bölməsinə şikayət edib. Onun şikayəti əsasında əməliyyat qrupu yaradılıb və keçirilən əməliyyat nəticəsində cinayətkarlar ifşa edilib.

Polis əməkdaşlarının keçirdikləri əməliyyat-axtarış tədbirləri nəticəsində soyğunçuluqda şübhəli bilinən Şirvan şəhər sakinləri Əlican Heybətov, Kənan Şahgəldiyev və Kürdəmir rayon sakini Əlövsət Əmirov tutulublar.

Hacı Zeynalov