Cəlilabadda dilənçilik edən qadın oğurluq etdi

Cəlilabad rayonunda oğurluqla məşğul olan dilənçi qadın həbs edilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, rayon sakini Rəsmiyə Rəhimovanın evindən qızıl əşyalar oğurlanıb. Cəlilabad rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Yevlax şəhər sakini Əminə Bəkirova saxlanılıb.

Məlumata görə, Əminə Bəkirova rayon ərazisində dilənçiliklə məşğul olurmuş.

Faktla bağlı cinayət işi başlanıb.

Hacı Zeynalov