"Pəncərədən baxdım, Gülbuta çarpayıya söykənib..." – Dəhşətli olay

Goranboy rayonunda 1986-cı il təvəllüdlü Qərib Zamanov 1983-cü il təvəllüdlü sevgilisi Gülbuta İmanovanı odlu silahla qətlə yetirib.

Teleqraf.com-un xəbərinə görə, Qəribin gizli olaraq yaxın münasibət saxladığı iki uşaq anası Gülbuta son zamanlar onunla görüşməkdən imtina edib, əlaqəsini kəsmək istəyib.

Gülbuta və bacısı onun özünün və ailə üzvlərinin ünvanına nalayiq, təhqiramiz söyüşlər işlədib. Qərib qisasını almaq niyyəti ilə Gülbutanı öldürmək qərarına gəlib. 5 avqust 2020-ci ildə saat 23 radələrində mərhum atası Əfqandan ona yadigar qalmış, Goranboy rayonunun Qazançı kəndində yaşadığı evdə saxladığı tüfəngi götürüb.

Daha sonra Goran qəsəbəsinə Gülbutanın yaşadığı evin yaxınlığına gəlib. Həyətdən səs gəldiyindən, heç kimin görməməsi üçün evdən təxminən 100 metr aralanıb, həyəti müşahidə edib.

Təxminən 30 dəqiqə sonra Gülbutanın əri və azyaşlı övladı ilə evdən çıxaraq qonşuya - xalasının evinə getdiklərini görüb. O, həmin evin küçəyə baxan pəncərəsinə yaxınlaşıb, heç kimin mane olmayacağına əmin olduqdan sonra özü ilə gətirdiyi tüfəngdən Gülbutaya atəş açıb. Gülbuta aldığı xəsarətdən ölüb.

İstintaq orqanı tərəfindən Qəribin barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) və 229.1-ci (qanunsuz olaraq odlu silah, onun komplekt hissələrini, döyüş sursatını, partlayıcı maddələri və qurğuları hazırlama, habelə odlu silahı təmir etmə) maddələri ilə ittiham elan edilib.

Qəribin barəsində toplanan cinayət işinin materialları baxılması üçün Gəncə Ağır Cinayətlər Məhkəməsinə göndərilib. Cinayət işi hakim Xəqani Səmədovun sədrliyi ilə baş tutan iclasda araşdırılıb.

Təqsirləndirilən şəxs qismində ifadə verən Qərib elan olunmuş ittiham üzrə özünü qismən təqsirli bilib. O, ifadəsində göstərib ki, 2019-cu ilin mayında Gülbuta ilə münasibət qurub və onunla birlikdə Goranboy şəhərində yerləşən Yeni binalarda yaşamağa başlayıb: “Biz bir-birimizi sevmişik və ailə həyatı qurmaq istəmişik. Gülbuta əri ilə tamamilə ayrılıb, onların birgə evlilikdən iki övladları var.

Mən həmin uşağı da saxlamaq istəyirdim. Gülbutanın bacısı bizim münasibətimizi pozmaq istəyirdi. Dəfərlələ Gülbutanın bacısı məni nəlayiq sözlərlə təhqir edib, bacısı Gülbutadan ayrılmağımı istəyib”.

Təqsirləndirilən şəxsin sözlərinə görə, Gülbutanın bacısının təkidlərinə baxmayaraq ondan ayrılmayıb: “27 iyul 2020-ci ildə Gülbuta uşaqlarınıda götürərək bacısının yaşadığı Qaradağlı kəndinə getdi. Ona zəng edəndə çox zaman bacısı cavab verirdi, Gülbuta özü cavab verəndə qıraqdan məni nəlayiq sözlərlə təhqir edir və qıcıqlandırırdı.

Gülbuta evində qalarkən bacısı onu da mənə qarşı öyrətdi. Goran qəsəbəsində yerləşən evlərinə qayıtdıqdan sonra Gülbuta da məni təhqir etdi, özündən aralamaq istədi”.

Qərib qeyd edib ki, Gülbuta bu cür hərkətlərinə əsəbləşib və 5 avqust 2020-ci ildə onu öldürmək qərarına gəlib: “Avqustun 5-də saat 20 radələrində yaşadığım Qazançı kəndində yerləşən evimizdən mərhum atama məxsus tək lüləli ov tüfəngini, içərisinə barıt və qırmalar doldurduğum 6 ədəd gilizi götürdüm. Gülbutanın yaşadığı Goran qəsəbəsinə getdim.

Həmin qəsəbəyə piyada torpaq sahələrlə getmişdim. Saat 22 radələrində Gülbutanın qaldığı evin qarşısına çatdım. Həyətdən səs gəldiyindən evə yaxınlaşmadım. Heç kimin görməməsi üçün təxminən 100 metr məsafəyə aralandım. Gülbuta yanında uşağı ilə evdən çıxdı, qonşuluqda yaşayan xalasıgilin evinə getdi.

Həyətdən səs gəlmədiyinə və mənə qarşı heç kimin müqavimət göstərməyəcəyinə əmin olduqdan sonra evin televizor işığı yanan otağının pəncərəsinə yaxınlaşdım. Ora yaxınlaşarkən tüfəngin içərisinə qırmalarla və barıtla dolu giliz qoymuşdum. Pəncərədən Gülbutanın televizordan solda, üzərində dəmir setka olan çarpayının ayaq tərəfinə sökənərək yerdən oturduğunu gördüm.

Tüfəngi Gülbutaya tuşladım və atəş açdım. Sonra tüfəngə yeni giliz qoydum. Birinci atəşdən sonra otağın işiğını kimsə yandırdı. Gülbuta olduğu yerdə qalaraq qışqırdı. Mələk Gülbutanın sağ tərəfinə keçdi, ona "nə olub" sözlərini dedi. Tüfəngini ikinci dəfə Gülbutaya tuşlayaraq ona atəş açdım. İkinci atəşdən sonra dərhal həmin yerdən uzaqlaşdım”.

Qəribin ifadəsinə görə, yaşadığı Qazançı kəndinə gəlib və Daxili İşlər Nazirliyinin 102 xidmətinə zəng edib, olduğu yeri deyib: “Goranboy rayon polis şöbəsinin əməkdaşları ""məni rayon polis şöbəsinə gətirdilər. Törətdiyim əməldən peşmançılıq hissi çəkirəm”.

Qərib 17 il 6 ay müddətinə azadlıqdan məhrum edilib.